Sefur þú á öruggum stað?

Er húsið þitt heilbrigt?

 

Orsök húsasóttarEftir að vera búin að skoða og mæla yfir 600 hús á höfuðborgðarsvæðinu á síðustu árum, með tilliti til rafmengunar, þá er það mat mitt að almenningur er illa upplýstur um húsasóttir af hennar völdum. Myglusveppurinn hefur fengið meiri umræðu í þjóðfélaginu sem ein ástæðan fyrir húsasótt.  Rafmagn, örbylgjur og jarðstraumar hafa fengið litla athygli fjölmiðla en ég tel það vera aðra tegund af húsasótt. Þegar húsin fyllast af ryki á skömmum tíma, þungt loft og loftleysi er mikið, einstakar plöntur þrífast illa, almenn þyngsli eru inni í húsinu og tré í garðinum eru áberandi krækklótt og ræfilsleg, þá er húsasótt vegna rafmengunar á ferð. Umfjöllun um áhrif rafmagns, örbylgna og jarðstrauma á heilsu fólks er verulega ábótavant.  og skal reynt að bæta úr því hér. Ég fer í hús og greini rafmengun. Aðferðir sem ég nota við að mæla húsin er meðal annars segulsviðmælar og hefðbundar prjónamælingar.  En ég fékk þjálfun í prjónamælingum hjá  viðurkenndum "Dowser" í Bretlandi 2006.   

 

Nánar um jarðstrauma - hvað er það?

Hartmann línur Eins og allir vita þá búum við Íslendingar á eldfjallaeyju sem er með sprungubelti þvert í gegnum sig.  Sprungurnar á höfuðborgarsvæðinu koma úr 3 áttum (ég mæli þessar áttir og hef fengið þessar áttir staðfest hjá jarðfræðingum), þ.e. S-N, V-A og NA-SV. Hins vegar á Suðurlandi liggja sprungurnar S-N og V-A.   Oft eru þær mjög breiðar og liggja samhliða nokkrar saman með stuttu millibili. Önnur tegund af jarðstaumum eru "global grid" sem er net hringinn í kringum jörðina eins og rúðustrikabók.  Línurnar eru örmjóar og koma frá áttunum S-N og V-A.  Þessar línur almennt erum með 8 metra millibili.  Á netinu eru þessar línur oft kallaðar Ley-lines eða Hartmann línur.  Þessar línur geta verið skaðlegar ef maður sefur í þeim 8 tíma á dag á hverjum degi ár eftir ár.  Þessar línur eru í öllum húsum en maður vill ekki hafa þær í rúminu hjá sér.  Sérstaklega ekki þar sem þær krossast.  "Global grid" hafa þá eiginleika að þegar þær liggja í gegnum sprungur þá styttist bilið á milli þeirra og verður ekki 8 metrar heldur 4 metrar, 2 metrar, 1 metir, 50 cm  o.s. frv.  Þegar þessar aðstæður myndast, magnast áhrifin af jarðstraumunum eftir því sem bilið á milli "global grid" styttist.  Þriðja tegundin af jarðstraumum eru vatnslínur sem liggja ekki eftir neinum kerfi en geta komið nánast úr hvaða átt sem er og eru yfirleitt ekki mjög breiðar.  Til að bæta gráu ofan á svart þá eru þessar línur aldrei stöðugar.  Ég verð til dæmis vör við að á milli kl. 1-3 á nóttinni þá magnast "global gridin" þannig að á þeim tíma eiga sum börn og fólk  við svefnvandamál að stríða.  Einnig þegar sólgosin eru sterk frá sólinni þá magnast "global gridin" jafnframt verður mögnun í jarðsprungum. Ég fylgist reglulega með http://sohowww.nascom.nasa.gov/spaceweather/ til að geta varið mig fyrir þessum áhrifum.

 

 

Áhrif húsasóttar vegna rafsegulsviðs, örbylgna eða jarðstrauma

reykjavik-weekend-990_1167673.jpgVarðandi hvort rafsegulsvið og jarðstraumar hafi áhrif á heilsu fólks, þá er mín reynsla sú að það er einstaklingbundið hvort fólk finni fyrir áhrifum eða ekki.  Margir finna fyrir óþægingum eins og svefntruflunum, þreytu, einbeitingaleysi og höfuðverkjum.  T.d. má nefna að ung börn verða mjög óvær og eirðarlaus í húsi með mikla húsasótt. Ég hef mælt í allmörgum húsum þarf sem ung börn sofa ekki eða eru mjög erfið til að kanna hvort húsasótt sé til staðar. Almennt þá er niðurstaðan sú að einhverrar rafmengunar gætir í húsinu og þá oftast í svefnherbergjum barnanna. 

Í nokkur hús hef ég farið þar sem fólk er búið ganga lengi á milli lækna án þess að það greinist með neina sérstaka sjúkdóma, en ber samt óskilgreind líkamleg einkenni.  Eftir að vera búin að mæla þessi hús þá kemur fram alvarleg rafmengun með viðeigandi húsasótt. Úrlausnin er oftast sú að hægt er að laga rafmagn, örbylgjur og jarðstrauma eða fólk flytur sig til í herbergjum. Í alvarlegustu tilfellum þarf fólkið að flytja í annað hús.   Ég áætla að um 10% af því fólki sem ég mæli hjá hafi verið undir alvarlegum áhrifum frá rafsegulbylgjum, örbylgjum og jarðstraumum. Í mörgum tilfellum er á þessum tímapunkti búið að greina íbúanna með alvarlega sjúkdóma en ég get ekki fullyrt neitt um hvort rafmagn, örbylgjur og jarðstraumar hafi orsakað þá sjúkdóma. Ég tel aftur á móti að fólk sem er að glíma við einhver veikindi og sefur í húsi með húsasótt eigi í meiri erfiðleikum með að gefa líkamanum tækifæri til að lækna sig sjálfan vegna áhrifa húsasóttar. Rafmengun "truflar" líkamann þannig við að ná bata. Þannig getur orðið til vítahringur hjá fólk sem býr í húsi með húsasótt og það virðist þurfa meiri og sterkari meðferðir með tímanum.  Ég vil nefna eitt dæmi um hús er ég mældi á dögunum, en í það fluttu hjón á miðjum aldri.  Maðurinn var að áður með krabbamein er talið var að hefði tekist að lækna.  Innan 5 ár frá innflutning þá tekur krabbameinið sig upp aftur og maðurinn deyr. Konan fær hinsvegar á sama tíma veikindi í heila og liggur nú í meðferð á spítala.  Eftir að hafa mælt þetta hús, kom þessi sjúkrasaga mér ekki á óvart.

 

Hvernig er hægt að vita hvort húsið mitt sé með of hátt rafsegulsvið, örbylgjur eða jarðstrauma?

JarðstraumarÞar sem ég hef mælt og greint áhrif rafmengunar og húsasótt af hennar völdum hef ég lagt áherslu á að fólk leiti til fagmanna ef um rafmagnsleka er að ræða, sem og að læra að nota prjónana sjálft til að geta varið sig fyrir þessum húsasóttum. Þannig geta íbúar skoðað og fylgst með híbýlum sínum og þá sérstaklega á þeim svæðum er mestum tíma er eytt á heimilinu. Áhrif rafmengunar og húsasóttar af hennar völdum koma fram á löngum tíma. það er og einstaklingsbundið hvort menn verða hennar varir.  Eins og áður var nefnt þá eru margir sem finna ekki neitt fyrir þessum áhifum.  En á hinn bóginn eru um 10% okkar með eins konar óþol við húsasótt af þessu tagi og því ástæða til þess að gera fólki grein fyrir þessum vandamálum. Það er ástæða þess að ég ákvað að blogga um þetta vandamál. Í dag er ég með nokkra aðila í ráðgjöf sem eru að þjást gríðalega í sínum húsum og eiga engan kost á að flytja eða færa sig. Öll þessi hús hafa "global grid" línur á innan við 50 sm bili ásamt því að 3 sprungur mætast undir húsunum. 

Þetta eru þó undantekningarnar og oftast er ég að mæla væg áhrif í húsum sem er einfalt að laga.

Nokkrar Evrópuþjóðir taka þennan málaflokk mjög alvarlega og hafa bannað með lögum að byggja ný hús á svæðum þar sem eru sterkir jarðstaumar eins og t.d. Austurríki.  Ég tel að tími sé kominn að Íslendingar fari að taka þennan málaflokk alvarlega og meðhöndla hann sem heilbrigðisvandamál. Það er full ástæða til að auka samfélagslega umræðu um rafmagnsmengun, örbylgjur og jarðstrauma.  Of margir þjást mikið að þessum skaðlega og ósýnilegum vanda. Því miður hefur heilbrigðisstéttin og byggingageirinn  sýnt þessu máli lítinn skilning.  Áfram höldum við byggja hús á slæmum svæðum.

 


Að meðaltali deyja 100 og 250 manns verða öryrkjar á ári vegna mistaka í heilbrigðisþjónustu

Þegar ég fór að fræðast  um hvað er að gerast í heilbrigðisþjónustunni varðandi öryggi sjúklinga var veruleikinn ótrúlegur.  Stór hópur fólks er að lenda í því að verða fyrir mistökum þegar það leitar eftir læknisaðstoð eða þjónustu. Það eru því miður ekki til neinar tölur um það hvað það eru margir sem lenda í mistökum.  Ég lenti í því fyrir ári síðan að missa ófætt barn þegar að ég var búin að reyna að leita eftir viðeigandi læknisaðstoð vegna þvagfærasýkingar í 4 daga þegar mér var neitað um aðstoð á meðgöngudeild.  Eftir 4 sólarhringa og heimsóknir á 4 staði í heilbrigðiskerfinu var ég orðin mjög veik og of seint að bjarga barninu.  Ef að rétt hefði verið staðið að málum hefði verið hægt að bjarga barninu.  Ég upplifði það að ég var ekki tekin alvarlega á meðgöngudeild, heilsugæslu, læknavakt og 2x á bráðamóttöku.  Í framhaldi af  þessari hræðilegu lífsreynslu ákvað ég að  stofna Emilíusjóðinn í minningu dóttir minnar  og heimasíðu um sjúklingaöryggi til að fræða fólk um áhættuna sem fylgir því þegar verið er að eiga við líf eða heilsu fólks.  Við þurfum sjálf að taka ábyrgð og hafa skoðun á því þegar að verið er að taka ákvörðun um líf og heilsu okkar.   Mig langar að hvetja fólk til að fara inn á heimasíðuna sjuklingaoryggi.is og taka þátt í skoðanakönnun varðanda traust til heilbrigðisþjónustunnar ásamt fleiru.  Mér finnst hræðilegt að vita af því að fleiri konur lenda í því sama og ég að fá ekki rétta greiningu og þjónustu á meðgöngu sem getur haft alvarlegar afleiðingar.  Ég vil hvetja stjórnvöld til að setja öryggi sjúklinga í fyrsta sæti. Sem dæmi myndi ég aldrei fara um borð í flugvél sem hefur ekki farið í gegnum fullkomið gæðaeftirlit.  En gæðaeftirlitið er ábótavant í heilbrigðisþjónustunni.  Ég get ekki þagað yfir þessu.  Ég vil hvetja fólk að segja sína sögu af sínu ferðalagi í gegnum heilbrigðisþjónustuna! Það er eina leiðin til að  brjóta niður "The silent wall" heilbrigðisþjónustunnar og bæta öryggi þjónustunnar.

Innskráning

Ath. Vinsamlegast kveikið á Javascript til að hefja innskráningu.

Hafðu samband